Kala Bostanskaj ratušy ŭpieršyniu padnimuć bieł-čyrvona-bieły ściah
Kala Bostanskaj ratušy 24 sakavika, napiaredadni Dnia Voli, padnimuć bieł-čyrvona-bieły ściah. Pra heta paviedamiła miascovaja dyjaspara biełarusaŭ.
19.03.2023 / 14:06
«Upieršyniu ŭ historyi la Boston City Hall adbudziecca ŭźniaccie nacyjanalnaha ściaha Biełarusi ŭ ramkach śviatkavańnia Dnia Niezaležnaści. Śpiecyjalny hość — Śviatłana Cichanoŭskaja, abrany prezident Biełarusi i demakratyčny lidar», — havorycca ŭ paviedamleńni.
Cichanoŭskaja naviedaje ZŠA 21—28 sakavika, dzie voźmie ŭdzieł u mitynhu ŭ Vašynhtonie, pryśviečanym Dniu Voli.
Mer Vašynhtona Miuryeł Boŭzer aficyjna abjaviła 25 sakavika 2023 hoda Dniom Voli Biełarusi.