Jeŭrasajuz da kanca sakavika padrychtuje bolš za 11 tysiač ukrainskich vajskoŭcaŭ
Na pres-kanfierencyi pa vynikach sustrečy ministraŭ abarony krain JeS u Stakholmie viarchoŭny pradstaŭnik Jeŭrasajuza pa źniešnich spravach i palitycy biaśpieki Žazep Barel paviedamiŭ, što vajskovaja misija Jeŭrasajuza da kanca sakavika zavieršyć padrychtoŭku bolš za 11 tysiač ukrainskich vajskoŭcaŭ.
08.03.2023 / 18:54
Žazep Barel. Skrynšot videa
«Naša misija padrychtuje bolš za 11 tysiač čałaviek da kanca sakavika i 30 tysiač — da kanca hoda», — skazaŭ Barel.
Ukrainskija vajskoŭcy vučacca abychodzicca z zachodniaj sučasnaj zbrojaj i technikaj, jakija pieradajucca Ukrainie krainami NATA dla adporu rasijskaj ahresii.
Akramia taho, Barel anansavaŭ vyłučeńnie miljarda jeŭra ź Jeŭrapiejskaha fondu miru dla finansavańnia pastavak bojeprypasaŭ Ukrainie. Jašče 1 młrd jeŭra budzie vydzieleny dla sumiesnych zakupak bojeprypasaŭ kalibru 155 mm.
Siońnia pasły JeS farmalna zacvierdzili pavieličeńnie finansavańnia Jeŭrapiejskaha fondu miru na 2 młrd jeŭra.