«Biełpošta» ŭ suviazi sa śviatam vypłacić piensii daterminova
U suviazi z tym, što 8 sakavika ŭ Biełarusi śviatočny dzień, piensiju va ŭstanovach «Biełpošty» piensijaniery mohuć atrymać daterminova.
06.03.2023 / 19:13
Piensijanieram Viciebska, Mahilova i Minska atrymać svaje hrošy možna było ŭžo i siońnia, a žycharam astatnich miascovaściaŭ RUP «Biełpošta» pačnie vypłaty 7 sakavika. U dzień 8 sakavika buduć pracavać tolki dziažurnyja abjekty paštovaj suviazi.
Akramia taho, u suviazi sa śviatočnym dniom 8 sakavika, źmianiajucca ŭmovy pryjomu ŭnutranych adpraŭleńniaŭ paskoranaj pošty. Tak, u abjektach paštovaj suviazi Minska 7 sakavika prymać adpraŭleńni buduć tolki ŭ adras haradoŭ Baranavičy, Biaroza, Brest, Pinsk, Połack, Viciebsk, Orša, Hłybokaje, Kalinkavičy, Mazyr, Žłobin, Homiel, Lida, Hrodna, Barysaŭ, Babrujsk, Mahiloŭ, Minsk z dastaŭkaj fizičnym asobam 8 sakavika. 8 sakavika 2023 pryjom budzie rabicca na adras užo ŭsich nasielenych punktaŭ Biełarusi.
Što tyčycca abjektaŭ paštovaj suviazi abłaściej, to ŭ ich 7 sakavika 2023 pryjom adpraŭleńniaŭ budzie rabicca tolki na adras haradoŭ Baranavičy, Biaroza, Brest, Pinsk, Połack, Viciebsk, Orša, hłybokaje, Kalinkavičy, Mazyr, Žłobin, Homiel, Lida, Hrodna, Babrujsk, Mahiloŭ, Minsk z dastaŭkaj fizičnym asobam 8 sakavika, a ŭ sam śviatočny dzień pryjom z dastaŭkaj na nastupny dzień nie robicca.
Va ŭsich astatnich vypadkach pryjom unutranych adpraŭleńniaŭ paskoranaj pošty moža rabicca tolki z pavialičanym terminam pierasyłki.