Ноччу Расія здзейсніла атаку дронамі па Украіне
Амаль усе атрымалася збіць.
06.03.2023 / 10:30
13 з 15 беспілотнікаў-камікадзэ «Шахед», запушчаных расійскімі вайскоўцамі над Украінай, былі знішчаныя ў ноч на 6 сакавіка. Пра гэта ў эфіры адзінага тэлемарафону паведаміў прэс-сакратар камандавання ВПС Узброеных сіл Украіны Юрый Ігнат.
«З паўночнага напрамку былі запушчаныя беспілотныя лятальныя апараты-камікадзэ іранскай вытворчасці Shahed-136/131. Папярэдне былі запушчаныя 15 такіх БПЛА, 13 з іх былі знішчаны сродкамі СПА рознымі агнявымі спосабамі», — сказаў Ігнат.
Расіяне атакавалі з поўначы беспілотнікамі цэнтральныя і ўсходнія рэгіёны Украіны, дадаў Ігнат.