Vustrycy pa 12 rubloŭ, elitnyja mandaryny pa 25. Kolki kaštujuć śviatočnyja delikatesy na Kamaroŭcy i ŭ «Valarjanava»
Napiaredadni 8 Sakavika rezka vyrastajuć «kaciroŭki» ciulpanaŭ, truskaŭki i ŭsiaho, što moža dać trochi viasnovaha nastroju. Onliner schadziŭ na Kamaroŭku i ŭ «Valarjanava» i pahladzieŭ, što cikavaha zaraz možna tam kupić.
04.03.2023 / 09:39
Handlovyja rady «Valarjanava» ščodra absypany zamorskaj sadavinaj i jahadami.
Kivi za 50 rubloŭ vielmi pryhožyja, ale atrymlivajucca navat daražej truskaŭki, jakuju pradajuć pa 40.
Chutka budziem sumavać pa mandarynach, ale pakul vybar vialiki. Košty na elitnyja dachodziać da 25 rubloŭ za kiłahram.
Vustrycy ŭ John Dory ciapier pa 12 rubloŭ za štuku, palandvica stronhi — pa 94,5.
U kramach, dzie pradajucca ŭ tym liku italjanskija pradukty, možna znajści niešta niezvyčajnaje nakštałt kremu z radzičyo abo ŭziać zvykłyja alivy i vialenyja tamaty.
Kali paśla Novaha hoda i Maślenicy znoŭ ciahnie na ikru, jana nikudy nie źnikła. Plus da hetaha jość usiakija rybnyja delikatesy, samy darahi na vitrynie — pałtus pa 230 rubloŭ za kiłahram.
Žadajecie ździvić jakuju-niebudź žančynu? Pačastujcie jaje kavunovym vareńniem, pakul astatnija buduć daryć šakaładki.
Na Kamaroŭku ŭ siaredniestatystyčnaha minčuka trapić šancaŭ bolš. Što tam?
Raskošnaja sadavina i jahady taksama jość, ahurki paśpieli krychu patańnieć i stać krychu mienš elitnymi.
Rybna-ikorny asartymient padobny da taho, što bačyli ŭ «Valarjanava».