Prastora «Najlepšaja vulica» zachavajecca, ale źmienić farmat
U Minskaha hadzińnikavaha zavoda zjavilisia novyja płany na raźvićcio ŭłasnaha hastraprajekta, jaki apošnija paŭhoda to adkryvaŭsia, to zakryvaŭsia, pišuć «Minsk-Naviny». Raźvićciom prastory «Najlepšaja vulica» ciapier budzie zajmacca novy apieratar.
28.02.2023 / 17:05
Fota: Realt.by
«My znajšli… prafiesijanałaŭ u svajoj spravie. Ich davoli-taki dobra viedajuć u horadzie. Chto heta, raskažam u krasaviku», — paabiacaŭ namieśnik dyrektara pa raźvićci Minskaha hadzińnikavaha zavoda Rafik Sarkisian.
Pavodle jaho słoŭ, zavod namahajecca «mocna nie ŭpłyvać» na pracu novych partnioraŭ. Ale ŭžo ciapier viadoma, što farmat pracy prastory budzie inšym.
«Płanujem štomiesiac pravodzić tematyčnyja trochdzionnyja fiestyvali ŭ skviery, u zialonaj zonie kala placoŭki «Najlepšaj vulicy», — adznačyŭ Sarkisian.
Samo ž adkryćcio abnoŭlenaj prastory pryznačanaje na maj.
Fudkort «Najlepšaja vulica» adkryŭsia ŭ dvary zavoda «Łuč» u žniŭni minułaha hoda. Płanavałasia, što jon budzie pracavać kruhły hod, ale ŭ kastryčniku ŭ sacsietkach zjaviŭsia post pra toje, što placoŭka sychodzić na kanikuły da viasny, a niadaŭna zjaviłasia infarmacyja, što vulica bolš nie pracuje.