U Minsku źnik 17-hadovy chłopiec. Jaho nie mohuć znajści z 23 lutaha
MUS abjaviła ŭ vyšuk niepaŭnaletniaha minčuka Andreja Jelistratava.
28.02.2023 / 15:53
U Minsku milicyja i vałanciory šukajuć źnikłaha 17-hadovaha junaka, małady čałaviek źnik amal tydzień tamu.
Viadoma, što minčuk Andrej Jelistrataŭ źnik jašče ŭ čacvier, 23 lutaha. U toj dzień junak syšoŭ z domu na vulicy Nalibockaj u Minsku i źnik. Rodnyja miarkujuć, što jon moža znachodzicca prykładna ŭ rajonie Łahojskaha traktu.
Milicyi taksama viadomaja asoba źnikłaha, Andrej Jelistrataŭ i raniej nieadnarazova sychodziŭ z domu.
Na vyhlad maładomu čałavieku kala 17—18 hadoŭ. Vysoki — rost 182 santymietry, chudarlavy, vałasy čornyja siaredniaj daŭžyni. Z domu chłopiec syšoŭ u čornaj kurtcy na humcy, čornych džynsach abo štanach, čornych čaravikach i čornaj šapcy.