Zatrymali karespandentku baranavickaha vydańnia Intex-press, vyklikanuju raniej u milicyju
Supracoŭnicu TAA «Vydaviecki dom «Inteks-pres» zatrymali na 72 hadziny. Raniej jaje vyklikali na apytańnie ŭ milicyju, paviedamlaje baranavickaje vydańnie na svaim sajcie.
16.02.2023 / 17:42
15 lutaha ŭ TAA «Vydaviecki dom «Inteks-pres» pryjšli siłaviki z pastanovaj ab praviadzieńni ahladu budynka. Padčas ahladu zabrali sistemnyja błoki, fotaaparat, noŭtbuki, uklučajučy asabistyja noŭtbuki supracoŭnikaŭ Intex-press, a taksama kampjutarnuju techniku buchhałteryi i rekłamnaha addzieła.
Karespandentku, jakaja razmaŭlała z haradžanami na vulicach Baranavičaŭ, vyklikali na 10.00 16 lutaha ŭ Baranavicki HAUS.
Da kanca dnia na čarhovy zvanok z TAA «Vydaviecki dom «Inteks-pres» z pytańniem pra los supracoŭnicy ŭ Baranavickim HAUS adkazali, što jana zatrymanaja na 72 hadziny. Za što, nie ŭdakładnili.