Biełaruskuju ekanomiku raźličvajuć jašče bolš zaviazać na Rasiju
Pasoł Biełarusi ŭ Rasii Dźmitryj Kruty raspavioŭ pra handal pamiž Biełarussiu i Rasijaj u minułym hodzie i raskazaŭ pra čakańni na nastupny.
12.02.2023 / 21:48
Fota: BiełTA
«Minuły hod atrymaŭsia rekordnym u handli z Rasijaj. Asnoŭnaja zadača była — pieraaryjentavać $6,5 młrd ź jeŭrapiejskaha i ŭkrainskaha rynkaŭ na Rasiju. Hetaja zadača vykananaja ŭ poŭnym abjomie. U ličbach, kali brać u dalarach, ekspart u Rasiju ŭ nas vyras na 40,5%, u naturalnym vymiareńni — na 10,5%, kali brać fizičnyja abjomy», — skazaŭ Dźmitryj Kruty ŭ efiry STB.
U 2023 hodzie jon płanuje jašče bolš naraścić handal z Rasijaj.
«Rost tavaraabarotu, kali my ličym jaho hałoŭnym pakazčykam niejkaha raźvićcia, na ŭzroŭni 6,5% budzie vielmi dobraj ličbaj da toj vysokaj bazy, jakaja ŭžo dasiahnutaja», — ličyć Kruty.
Dola Rasii ŭ tavaraabarocie ŭ 2020 hodzie była 47,9%. Pa vynikach 10 miesiacaŭ minułaha hoda jana vyrasła da 60%.