У Galleria Minsk можна задарма налавіць падарункаў на дзень святога Валянціна
«Альфа Банк» паставіў у Galleria Minsk аўтамат з цацкамі — чырвонымі мішкамі, якіх мінчане ўжо маглі заўважыць у рэкламе па горадзе. Кожны ахвотны можа дастаць цацку задарма з дзвюх спробаў, але звычайна хапае і адной, піша Blizko.by.
12.02.2023 / 10:53
Аўтамат будзе стаяць на 1-м паверсе Galleria Minsk з боку гатэля DoubleTree да 14 лютага ўключна.
«На дзень мы будзем засыпаць у аўтамат па 200 мядзведзяў — таму паспейце за сваім», — гаворыцца ў паведамленні банка.
У першы дзень мішак разабралі за 4 гадзіны.
«З заўтрашняга дня павялічым колькасць цацак у нашым аўтамаце. Ну а на сёння мішкі скончыліся —будзем чакаць вас па тым жа адрасе заўтра з 11:00», — абяцае банк.
Таксама там паабяцалі падумаць і ў наступным годзе зрабіць нешта крутое не толькі ў сталіцы.