Tadevuša Kandrusieviča rychtujuć da apieracyi
Na sajcie Catholic.by źjaviłasia infarmacyja, što arcybiskupa Tadevuša Kandrusieviča, mitrapalita Minskaha i Mahiloŭskaha na piensii, u najbližejšy čas čakaje apieracyja.
08.02.2023 / 17:41
Pavodle aficyjnaha paviedamleńnia Minska-Mahiloŭskaj mietrapolii,
«pa vynikach miedycynskich daśledavańniaŭ, jakija ŭ prafiłaktyčnych metach prajšoŭ arcybiskup-emieryt Tadevuš Kandrusievič, kansilium daktaroŭ daŭ zaklučeńnie ab nieabchodnaści praviadzieńnia apieracyi. Z hetaj metaj u najbližejšy čas arcybiskup Tadevuš Kandrusievič u miedycynskim stacyjanary projdzie dadatkovuju dyjahnostyku, paśla čaho jamu budzie zroblena apieracyja z nastupnym lačeńniem i reabilitacyjaj, jakija mohuć zaniać peŭny čas».
Dyjahnaz, jaki pastaŭleny Tadevušu Kandrusieviču, nie nazyvajecca.
Vykazvajecca spadziavańnie, što ŭ vyniku lačeńnia arcybiskup Tadevuš Kandrusievič jak najchutčej vierniecca da zdaroŭja, viernikaŭ prosiać malicca za jahonaje zdaroŭje.