Iran płanuje pabudavać u Rasii zavod pa vyrabie dronaŭ-kamikadze

Maskva i Tehieran płanujuć vypuskać nie mienš za šeść tysiač «Šachiedaŭ» štohod, paviedamlajuć krynicy The Wall Street Journal.

05.02.2023 / 20:15

Ułady Rasii i Irana płanujuć pabudavać u rasijskim horadzie Jałabuha ŭ Tatarstanie zavod pa vytvorčaści ŭdaskanalenych iranskich dronaŭ-kamikadze Shahed-136.

WSJ śćviardžaje, što 5 studzienia delehacyja Irana ahledzieła pustujučuju placoŭku, dzie mohuć pabudavać zavod.

Pa słovach krynic WSJ, Iran i Rasija raspracoŭvajuć udaskanalenuju madel Shahed-136, jakaja zmoža lotać dalej i chutčej.

Ułady ZŠA raniej zajaŭlali, što Iran pastaviŭ Rasii sotni dronaŭ-kamikadze Shahed-136, jakija rasijskija siły vykarystoŭvali dla ŭdaraŭ pa abjektach enierhasistemy Ukrainy.

Supraćpavietranaja abarona USU ŭ značnaj stupieni zmahła niejtralizavać pahrozu Shahed-136, adznačaje WSJ.

Nashaniva.com