Pravakatara z čat-ruletki, pa čyich navodkach zatrymlivali ludziej, zvolnili z polskaj firmy
Polskaja firma skasavała pracoŭnyja adnosiny z dalnabojščykam-pravakataram z Mazyra Juryjem Komaram, paśla razmoŭ ź jakim u servisie «čat-ruletka» zatrymlivali biełarusaŭ.
01.02.2023 / 14:33
Juryj Komar. Fota: sacyjalnyja sietki
Praz Bypol stała viadoma, što Juryj Komar pracavaŭ u firmie, zarehistravanaj u Biełastoku i ažyćciaŭlaje hruzapieravozki z Kitaja, Rasii i Biełarusi ŭ krainy JeS.
Paśla taho, jak infarmacyja pra Juryja trapiła ŭ sieciva, jaho pracadaŭca skasavaŭ ź im pracoŭnyja adnosiny.
«Mnie daviałosia zvolnicca», — skazaŭ Juryj u strymie 1 lutaha.
Z kanca listapada Juryj u svaim kanale «Bieło ross» pačaŭ vykładvać adnastajnyja videa, zapisanyja padčas znosin u papularnym servisie «čat-ruletka». Razmaŭlajučy z vypadkovymi biełarusami, Komar vydavaŭ siabie za ŭkrainca i imknuŭsia spravakavać ich na vykazvańni, jakija mohuć stvaryć ludziam prablemy z uładami.