U Ispanii kanfiskavali bolš za tonu kakainu, jaki zavoziŭsia pad vyhladam kakavy
U porcie Barsiełony vyjavili bolš za tonu kakainu, schavanaha ŭ kantejnierach z kakavaj na borcie suchahruza z Ekvadora. Pra heta paviedamlaje ispanskaje ahienctva El Mundo.
31.01.2023 / 22:58
Fota ispanskaj Hramadzianskaj hvardyi
Pa źviestkach ahienctva, bujnuju partyju narkotyku vyjavili padčas sumiesnaj apieracyi Hramadzianskaj hvardyi i mytnaha ahienctva Ispanii.
«Ahienty vyśvietlili, što złačynnaja arhanizacyja handlaroŭ narkotykami źbirałasia vykarystoŭvać mietad «ślapoha kručka» dla ŭvozu narkotykaŭ u Ispaniju.
U pryvatnaści, handlovaje sudna, jakoje ruchałasia z Huajakila (Ekvador) u port Barsiełony, pieravoziła kantejniery ź lehalnymi tavarami kakava-paraška, dzie było ŭtojena 1340 kh kakainu», — havorycca ŭ publikacyi.
Pradstaŭniki datyčnych da apieracyi viedamstvaŭ adznačyli, što bieły parašok byŭ znojdzieny ŭ miachach na dnie čatyroch kantejnieraŭ, kakava i kakain nie byli źmiašanyja.
Ciapier palicyja vyśviatlaje asoby złačyncaŭ, jakija majuć dačynieńnie da adpraŭki i atrymańnia narkotykaŭ.