U Dziatłaŭskim rajonie žančyna pomściła sapiernicy, ale pamyliłasia dźviaryma
42-hadovaja žycharka ahraharadka Hiezhały Dziatłaŭskaha rajona raŭnavała svaju adnaviaskoŭku, dumała, što taja sprabuje adbić jaje mužčynu. I ŭ peŭny momant vyrašyła adpomścić, paviedamlaje UUS Hrodzienskaha abłvykankama.
31.01.2023 / 20:36
Žančyna vyličyła, dzie žyvie jaje sapiernica, i kala vośmaj hadziny ranicy padpaliła ŭvachodnyja dźviery ŭ adnoj z kvater šmatkvaternaha doma.
Połymia, na ščaście, zaŭvažyła susiedka, i jaho ŭdałosia chutka patušyć. Supracoŭniki Dziatłaŭskaha RAUS vyśvietlili asobu padazravanaj.
Ale padčas śledstva akazałasia, što žančyna pamyliłasia adrasam i padpaliła nie tyja dźviery, bo 46-hadovaja paciarpiełaja tołkam i nie viedała padazravanuju.
Ciapier u dačynieńni da padazravanaj Dziatłaŭskim rajonnym addziełam Śledčaha kamiteta zaviedzienaja kryminalnaja sprava pa artykule «Naŭmysnaje źniščeńnie abo paškodžańnie majomaści, ździejśnienyja ahulnaniebiaśpiečnym sposabam». Sankcyja artykuła praduhledžvaje da dziesiaci hadoŭ pazbaŭleńnia voli.