U BDU zabaranili śviatkavać Dzień śviatoha Valancina
Studentam prapanavali pravieści «mierapryjemstvy, prymierkavanyja da lubovi da Radzimy».
31.01.2023 / 17:19
Skryn paviedamleńnia z čata
Infarmacyja pra zabaronu mierapryjemstvaŭ da Dnia śviatoha Valancina zjaviłasia ŭ sacsietkach. Jaje ž «Našaj Nivie» pacvierdzili niekatoryja studenty.
Adzin ź ich raskazvaje, što jašče ŭ listapadzie minułaha hoda ŭ BDU pryjšoŭ list źvierchu z patrabavańniem «impartazamiaščeńnia zachodnich śviataŭ» z-za papularnaści Chełoŭina, jaki «nie adpaviadaje tradycyjam biełaruskaha naroda i zhubna ŭpłyvaje na maładoje pakaleńnie».
«Zabarona Dnia śviatoha Valancina, vidać, zakanamierny praciah hetaha ž šlachu. Jany patrabavali alternatyvy papularnym śviatam», — kaža jon.
Pa słovach studentaŭ, na miescy za «paradkam» sočyć prarektarka pa vychavaŭčaj pracy i sacyjalnych pytańniach u BDU Hanna Bakun, kandydat jurydyčnych navuk. Da hetaha jana ŭžo zabaraniała pravodzić niekatoryja śviaty.
Hanna Bakun. Fota: pres-słužba FFSN BDU
U pryjomnaj prarektarki na pytańnie ab tym, jak možna adśviatkavać Dzień śviatoha Valancina ŭ internacie, adkazać pa telefonie admovilisia, prapanavali zapisacca da Bakun na asabisty pryjom.
Paviedamleńnie ad Hanny Bakun nakont śviatkavańnia Chełoŭina
Da listapada 2022-ha Hanna Bakun zajmała pasadu namieśnika dekana pa vychavaŭčaj pracy jurydyčnaha fakulteta BDU. Paśla jaje pavysili da pasady prarektara ŭniviersiteta.
Bakun akazvała cisk na pratestujučych studentaŭ. Jana zahadvała im pisać tłumačalnyja, «zaprašała» na pasiadžeńni prafiłaktyki pravaparušeńniaŭ, vypisvała zaŭvahi za propuski tolki «niebiaśpiečnym» studentam, matyvujučy heta tym, što jany «psujuć reputacyju BDU».
Hanna Bakun taksama vystupała śviedkaj na sudzie «pa spravie studentaŭ».
Raniej jana pakidała kamientaryj pad adnym z pastoŭ MZS Biełarusi.
«Najlepšaja zajava biełaruskaha MZS! Lubimuju nie pradajuć Dziarždepu! My — nie licviny!» — napisała jana.
Skryn z sacsietak