Śledčy kamitet zavioŭ kryminalnuju spravu suprać pradstaŭnika salihorskaha «Šachciora» za dahavorny matč
Hałoŭnaje ŭpraŭleńnie pa rasśledavańni złačynstvaŭ u sfiery arhanizavanaj złačynnaści i karupcyi centralnaha aparata Śledčaha kamiteta razam z HUBAZiKam vyjavili fakt «akazańnia supraćpraŭnaha ŭpłyvu na vynik matča čempijanatu Respubliki Biełaruś pa futbole siarod kamand vyšejšaj lihi», paviedamiŭ Śledčy kamitet.
30.01.2023 / 18:36
Śledčy kamitet raspačaŭ kryminalnuju spravu ŭ dačynieńni da pradstaŭnika «Šachciora». Jamu zakidajecca č. 1 art. 14, č. 1 art. 253 Kryminalnaha kodeksa, to-bok «zamach na podkup udzielnikaŭ spartyŭnych spabornictvaŭ».
U źviazanych ź siłavikami telehram-kanałach źjavilisia zhadki, što sprava tyčycca matča 30-ha tura čempijanata Biełarusi pamiž «Šachcioram» i babrujskaj «Biełšynaj». Pry hetym namiakajecca, što mohuć być pierahledžanyja vyniki ŭsiaho čempijanata, dzie «Šachcior» atrymaŭ pieramohu.