Ministr abarony Vialikabrytanii raskazaŭ, jak jamu schłusiŭ Šajhu
Ben Uoles zajaviŭ, što 11 lutaha minułaha hoda na sustrečy z rasijskim kaleham u Maskvie atrymaŭ ad jaho chłuślivyja zapeŭnieńni, što Rasija nie źbirajecca napadać na Ukrainu.
30.01.2023 / 11:58
Siarhiej Suravikin i Siarhiej Šajhu. Fota: AP
Pra heta ministr raspavioŭ u dakumientalnym filmie BBC «Pucin suprać Zachadu». Taksama jon adznačyŭ, što, niahledziačy na zapeŭnivańni Šajhu, abodva baki viedali, što heta chłuśnia.
Jon acharaktaryzavaŭ słovy rasijskaha ministra abarony jak «demanstracyju zapałochvańnia abo siły, što aznačaje: ja budu chłusić vam, vy viedajecie, što ja chłušu, i ja viedaju, što vy viedajecie, što ja chłušu, i ja ŭsio roŭna budu chłusić vam».
Uoles udakładniŭ, što «davoli chałodnaja, ale pramaja chłuśnia» paćvierdziła jaho pierakanańnie, što Rasija ŭvarviecca va Ukrainu.
Pakidajučy sustreču, adznačyŭ ministr abarony Vialikabrytanii, rasijski hienierał Valeryj Hierasimaŭ skazaŭ jamu, što «nas bolš nikoli nie buduć prynižać».