Ukrainskaha deputata vyklučyli z partyi «Słuha naroda» za pajezdku ŭ Tajłand. Tam jon źbiraŭsia «sustrakacca z ukrainskaj abščynaj»
Pra toje, što Mikałaj Ciščanka znachodzicca ŭ Tajłandzie, stała viadoma z paviedamleńnia ŭkrainskaha pasolstva ŭ Banhkoku. U im pradstaŭnikoŭ ukrainskaj abščyny paklikali na sustreču z deputatam u adnym z hatelaŭ horada.
26.01.2023 / 18:02
Pa rašeńni Rady nacyjanalnaj biaśpieki Ukrainy, deputaty i inšyja čynoŭniki mohuć vyjazdžać z krainy padčas vajennaha stanovišča tolki ŭ słužbovyja kamandziroŭki.
«Pracoŭnyja» sustrečy ŭ Tajłandzie nie acanili paplečniki Ciščanki.
«Baču, što nie ŭsie razumiejuć, čym musiać zajmacca narodnyja deputaty padčas vajny. Tamu rychtujem šerah kadravych rašeńniaŭ», — zajaviŭ staršynia frakcyi «Słuha naroda» David Arachamija.
U vyniku Ciščanku vyklučyli z partyi i źniali z pasady namieśnika staršyni frakcyi.
Raniej jaho nieadnarazova abvinavačvali ŭ pijary na vajnie.