Byłoha palitviaźnia pierazatrymali za žartaŭlivuju abjavu
Adbyłosia heta ŭžo paśla suda nad im za ŭdzieł u pratestach.
26.01.2023 / 13:34
Zatrymanaha kličuć Siarhiej Kabzienka, jon rodam z Uzdy, horada ŭ Minskaj vobłaści. Miarkujučy pa sacsietkach, jamu 28 hadoŭ.
Upieršyniu jaho zatrymali 5 kastryčnika 2022 hoda i dali 10 sutak aryštu za «raspaŭsiud ekstremisckich materyjałaŭ». Dalejšy jahony los dakładna nieviadomy, akramia taho, što jaho abvinavacili pa artykule 342 za ŭdzieł u pratestach i sudzili, ale prysud taksama nieviadomy.
Ciapier Siarhieja zatrymali za toje, što jon niekali skinuŭ u adzin z rajonnych čataŭ žartaŭlivuju abjavu, u jakoj byli apisanyja «prykmiety» Łukašenki. Čamu jaje zaŭvažyli tolki ciapier — niezrazumieła, ale hubazikaŭcy śćviardžajuć, što Siarhieju pahražaje kryminalnaja sprava pa artykule 367 KK Biełarusi («Paklop na prezidenta»). Hety artykuł praduhledžvaje da piaci hadoŭ źniavoleńnia.