Litva vystupaje za ŭnifikacyju sankcyj suprać Biełarusi i Rasii
Litoŭski bok fiksavaŭ sproby abychodu sankcyj suprać RF praz Biełaruś. Unifikacyja pavinna zakryć hetuju ščylinu.
23.01.2023 / 15:37
«Radyjo Svaboda»
Litva padtrymlivaje ŭnifikacyju sankcyj suprać Biełarusi i Rasii, z takoj zajavaj u Brusieli 23 studzienia vystupiŭ ministr zamiežnych spraŭ Litvy Habryjelus Łandśbierhis, piša «Radyjo Svaboda».
«Jość imknieńnie da prymianieńnia ŭ dačynieńni Biełarusi tych ža sankcyj, jakija dziejničajuć suprać Rasii. Litva hety namier padtrymlivaje», — skazaŭ jon pierad pasiadžeńniem rady kiraŭnikoŭ MZS krain ES.
Łandśbierhis dadaŭ, što litoŭski bok fiksavaŭ sproby abchodu sankcyj suprać RF praz Biełaruś. Na jaho dumku, unifikacyja sankcyj zakryje hetuju ščylinu.