Na 15-hadovaha brata admina kanała čyhunačnikaŭ zaviali kryminalnuju spravu
Administratar telehram-kanała «Live. Supolnaść čyhunačnikaŭ Biełarusi» raskazaŭ, što jaho 15-hadovaha brata try dni trymali na Akreścina. Siłaviki patrabavali, kab vydalili pratesny kanał čyhunačnikaŭ.
22.01.2023 / 17:59
Administratar kanała Siarhiej kaža «Našaj Nivie», što spravu na małodšaha brata zaviali jašče ŭ kancy listapada — pačatku śniežnia pa častcy 2 artykuła 208 KK (vymahalnictva). Jon nazyvaje hetu spravu sfabrykavanaj, ale pakul nie moža ahučyć detali.
Na minułym tydni 15-hadovaha brata admina zatrymali i na troje sutak źmiaścili na Akreścina. Za hety čas, kaža Siarhiej, nie dapuskali ni baćkoŭ, ni advakata.
U piatnicu padletka vyzvalili z-pad varty i nakiravali ŭ «Navinki», dzie jon utrymlivajecca pa siońnia. Kryminalnaja sprava ŭ dačynieńni da jaho nie spynienaja, z chłopca ŭziataja padpiska ab niavyjeździe.
Z pačatku vajny kanał čyhunačnikaŭ publikuje infarmacyju pra pieramiaščeńnie sastavaŭ z vajennaj technikaj, a taksama paviedamlaŭ pra akcyi «partyzanaŭ».