Prafiesar Bubnoŭ u mahiloŭskim SIZA atrymaŭ traŭmu hałavy
Zatrymanamu mahiloŭskamu navukoŭcu-sacyjołahu, zahadčyku kafiedry humanitarnych dyscyplin Biełaruskaha ŭniviersiteta charčovych i chimičnych technałohij Juryju Bubnovu vystavili abvinavačańnie ŭ paklopie na Łukašenku (art. 367 KK). Inšych padrabiaznaściaŭ spravy pakul niama, pišuć mahiloŭskija pravaabaroncy.
20.01.2023 / 19:04
Fota: bgut.by
Viadoma, što ŭ mahiloŭskim SIZA Bubnoŭ atrymaŭ traŭmu hałavy. Aficyjnaja viersija — zvaliŭsia z naraŭ, traŭma, jak śćviardžajuć, niesurjoznaja.
Navukoŭca zatrymali 12 studzienia na pracy.
U Mahilovie Bubnoŭ viadomy nie tolki jak navukoviec, ale i jak hramadski dziejač. Jon adzin sa stvaralnikaŭ Centra haradskich inicyjatyŭ i fiestyvalu «Dranik-fest».