Lehkavik źbiŭ dvuch darožnikaŭ kala Salihorska, adzin zastaŭsia biez nahi
Dvoje darožnych rabočych atrymali surjoznyja traŭmy ŭ vyniku avaryi ŭ Salihorskim rajonie, paviedamili va ŭpraŭleńni DAI Minabłvykankama.
18.01.2023 / 19:39
DTZ adbyłosia ranicaj u aŭtorak, 17 studzienia, na druhim kiłamietry darohi N-9669.
Pavodle źviestak DAI, 68-hadovy mužčyna, jaki znachodziŭsia za rulom mašyny Opel Meriva, źbiŭ 46-hadovaha rabočaha, a zatym urezaŭsia ŭ aŭtamabil HAZ, jaki stajaŭ pobač.
U vyniku paciarpieła dvoje darožnikaŭ — ich chutkaja dapamoha dastaviła ŭ adnu ź miascovych balnic. Abodva rabočyja byli traŭmavanyja, prytym adzin ź ich straciŭ nahu.
Jak prainfarmavali ŭ Dziaržinśpiekcyi, miesca praviadzieńnia ramontnych rabot na darozie było paznačana. Pa fakcie avaryi ŭžo zaviali kryminalnuju spravu.