«Alhierd užo nie toj»: na jutubie z’javiŭsia fajny prajekt pa historyi

Biełarusy zapuścili YouTube-kanał dla školnikaŭ, nastaŭnikaŭ i baćkoŭ, dzie viesieła i stylova, a hałoŭnaje — na rodnaj movie, — stvarajuć videaŭroki pa historyi Biełarusi. Kamanda prajekta pačała z 6-ha kłasa, ale ŭ płanach videa i dla inšych kłasaŭ, a taksama hulni i cikavyja fakty pra Biełaruś, piša CityDog.

13.01.2023 / 23:29

U kamientaryi CityDog.io stvaralniki YouTube-kanała raskazali, što hałoŭnaja meta prajekta — heta «vyvučać historyju Biełarusi pa-biełarusku, jak by heta dziŭna ni hučała».

«Paśla peŭnych padziej šmat siemjaŭ raścierušyła z rodnych hniozdaŭ pa śviecie. Časta dzietki nie majuć mahčymaści vyvučać historyju Biełarusi ŭ tych škołach, dzie jany apynulisia. A viedać svaju historyju, my ličym, fundamientalna važna dla svajoj admietnaści i identyčnaści. Tamu my z siabrami-adnadumcami sabralisia i vyrašyli rabić histaryčny prajekt na rodnaj movie, jaki budzie mieścicca na YouTube», — dzielacca aŭtary.

Pa słovach kamandy, metavaja aŭdytoryja prajekta — u pieršuju čarhu dzietki, jakija apynulisia pa-za miežami krainy i nie majuć naležnaj mahčymaści vyvučać historyju Biełarusi. Ale aŭtary videaŭrokaŭ spadziajucca, što i vučniam u biełaruskich škołach budzie cikava dałučycca.

«Chočam dahrukacca i da nastaŭnikaŭ, jakija pracujuć u škołach. Vierym u toje, što naš uniosak dapamoža im raznastaić ich vykładańnie materyjału», — spadziajucca aŭtary YouTube-kanała.

View this post on Instagram

A post shared by Historyja Biełarusi | Alhierd užo nia toj (@historyjabielarusi)

Dałučycca da prajekta možna ŭ instahramie i na jutubie, tym bolš što kamanda vielmi čakaje zvarotnaj suviazi, prapanoŭ i vodhukaŭ:

«Chto viedaje i pavažaje historyju, maje budučyniu. Tamu, jak toj kazaŭ, palec uvierch, ciśni zvanočak i nie zabyvajsia padpisacca na našu staronku. I ščaścia vam budzie ad mora da mora».

Čytajcie taksama:

Pahladzicie, jakaja pryhažość! Biełarus atrymaŭ «zołata» ŭ prestyžnym brytanskim konkursie za dyzajn upakoŭki picy

Pamiatajecie, Andruś Horvat z siabrami nabyli zamak? Tut kłasny sposab ich padtrymać

Nashaniva.com