U Minsku pajšoŭ ledziany doždž. Što rabić u takuju niepahadź?
U Minsku 9 studzienia zachoŭvajucca składanyja ŭmovy nadvorja: hałalod i apadki ŭ vyhladzie daždžu z mokrym śnieham.
09.01.2023 / 15:27
U baraćbie z naleddziu zadziejničana bolš za 1 600 rabotnikaŭ ŽKH, paviedamlajuć Minsk-Naviny.
Śpiecyjalisty ŽKH rekamiendujuć u niepahadź pa mahčymaści zastavacca doma.
U vypadku nieabchodnaści dla vychadu na vulicu lepš apranać abutak na sucelnaj reljefnaj padešvie. Pry pieramiaščeńni pa vulicy treba ruchacca aściarožna, nastupajučy na ŭsiu padešvu, a pažyłym i asobam z prablemami aporna-ruchalnaha aparatu lepš vykarystoŭvać kij z humovym nakaniečnikam abo pałku z zavostranymi šypami. Pa mahčymaści varta vybirać biaśpiečny maršrut pa pasypanych piaskom darožkach i trymacca za poručni.
Padčas padzieńnia treba staracca prycisnuć ruki da tułava i ŭpaści na bok, paprasić minakoŭ dapamahčy ŭstać i padymacca, nie śpiašajučysia, pierakanaŭšysia, što niama traŭmaŭ. Pry ŭźniknieńni bolu lepš nie ruchacca i vyklikać miedykaŭ pa telefonie 103.