Na sudzie pa «spravie «Viasny» zatrymali rasijskuju pravaabaroncu
Pravaabaronca i žurnalistka, jakaja supracoŭničaje z «Miemaryjałam», Kaciaryna Jańšyna pryjechała na sud pa «spravie «Viasny» ŭ jakaści niezaležnaj naziralnicy. Učora, adrazu paśla zakančeńnia sudovaha pasiadžeńnia, na vychadzie z zały suda jaje zatrymali niekalki čałaviek i zaviali ŭ słužbovaje pamiaškańnie «dla hutarki», piša rasijski pravaabarončy telehram-kanał.
06.01.2023 / 17:48
Jańšynu abvinavacili ŭ parušeńni paradku padčas pasiadžeńnia — dziaŭčyna rabiła fota i viała tranślacyju.
Ranicaj 6 studzienia stała viadoma, što noč Kaciaryna praviała ŭ IČU. Siońnia suddzia Taćciana Motyl pryznačyła rasijancy 15 sutak administracyjnaha aryštu pa artykule ab drobnym chulihanstvie (19.1. KaAP Respubliki Biełaruś).