Cichanoŭskaja vykazałasia pra budučy zavočny sud nad saboj
17 studzienia pačniecca čarhovy zavočny sud. Hetym razam — nad Śviatłanaj Cichanoŭskaj, Paŭłam Łatuškam, Maryjaj Maroz, Volhaj Kavalkovaj i Siarhiejem Dyleŭskim. Lidarka demsiłaŭ prakamientavała budučy praces.
04.01.2023 / 12:11
«Heta nie sud, a sudzilišča. I sudzić treba tych, chto «sudzić». My budziem sačyć za razhladam spravy, kab usie suddzi i prakurory, jakija ŭ hetym biaruć udzieł, panieśli svaju častku adkaznaści.
Toje, što robić režym, u tym liku dystancyjnyja sudy nad palityčnymi apanientami — naśmieška nad pravasuddziem i nad pravam uvohule. Tamu da ich treba stavicca nie jak da sudoŭ, a jak da čarhovaha złačynstva režymu suprać biełarusaŭ.
Ludzi Łukašenki nijak nie mohuć adyści ad traŭmy 2020 hoda. Sprabujuć raspravicca z usimi apanientami. Dyk voś — vam heta nie dapamoža, kali vy dumajecie, što hety kanviejer sudoŭ spynić pieramieny», — vykazałasia Cichanoŭskaja.