Brytanskaja raźviedka: Rasija pierakinuła ŭ Biełaruś častku sił sa składu hvardziejskaj tankavaj armii
U ahladzie Minabarony Vialikabrytanii ad 27 śniežnia śćviardžajecca, što Rasija niadaŭna pierakinuła ŭ Biełaruś častku padraździaleńniaŭ, jakija ŭvachodziać u skład 1-j hvardziejskaj tankavaj armii.
27.12.2022 / 12:51
«Elemienty 1-j rasijskaj hvardziejskaj tankavaj armii, vierahodna, byli siarod rasijskich sił, jakija niadaŭna pierakinuli ŭ Biełaruś. Heta farmiravańnie, napeŭna, prachodziła navučańnie pierad razhortvańniem. Małavierahodna, što ŭ jaho jość padraździaleńni padtrymki, nieabchodnyja dla pryviadzieńnia ŭ bajavuju hatoŭnaść», — adznačaje raźviedka.
U ahladzie raskazvajuć taksama, što apošnija dvoje sutak aktyŭnyja bajavyja dziejańni skancentravanyja pieravažna vakoł Bachmuta i ŭ rajonie Svatava. «Rasija praciahvaje častyja drobnyja ataki, ale z ruk u ruki pierachodziła vielmi niaznačnaja terytoryja», — dadajuć u paviedamleńni.