Беларуску Юлію Раскіну прызналі найлепшай трэнеркай Германіі
У Нямецкім алімпійскім спартыўным саюзе ў канцы года ў намінацыі «Найлепшы трэнер» адзначылі адразу двух чалавек — трэнера па бабслеі Рэнэ Шпіса і беларускую трэнерку па мастацкай гімнастыцы Юлію Раскіну, паведамляе Tribuna.com.
25.12.2022 / 18:52
Юлія Раскіна — былая вядомая спартсменка. Яна сярэбраная прызёрка Алімпійскіх гульняў 2000 года, чэмпіёнка і прызёрка чэмпіянатаў свету і чэмпіянатаў Еўропы.
Цяпер яна трэніруе гімнастак на федэральнай базе падрыхтоўкі рэгіёна Бадэн-Вюртэмберг. Менавіта Раскіна падрыхтавала гімнастку Дар'ю Варфаламееву, якая сёлета, выступаючы за Германію, узяла адразу пяць медалёў на чэмпіянаце свету.
У 2020 годзе Юлія Раскіна праявіла і грамадзянскую пазіцыю і падпісала адкрыты ліст беларускіх спартсменаў за сумленныя выбары і супраць гвалту.