Adnaviłasia najpryhažejšaja futbolnaja tradycyja na Kalady. Pahladzicie, jak 28 tysiač fanataŭ śpiavali pieśni na stadyjonie FOTA, VIDEA
U Bierlinie na stadyjonie «La staroha laśnictva» ŭ dvaccaty raz sabralisia zaŭziatary futbolnaha «Unijona», kab praśpiavać kaladnyja pieśni. Hetu pryhožuju tradycyju pierarvała pandemija, ale ciapier jana znoŭ viarnułasia.
24.12.2022 / 08:34
Heta ciapier «Unijon» hraje ŭ najvyšejšaj niamieckaj lizie i źjaŭlajecca samym mocnym kłubam u Bierlinie. A ŭ kancy 2003 hoda kamanda lasnułasia na dno druhoj Bundeślihi. Pierśpiektyvy vyhladali ćmianymi, ale fanatam, jakija nieadnarazova ratavali kłub u składanyja časy, nie chaciełasia hublać nadzieju.
Tak, na internet-forumie «žaleznych» (niam. Eisern — tak jašče nazyvajuć kamandu) źjaviłasia prapanova sabracca razam i adśviatkavać Kalady. I 23 śniežnia 2003 hoda 89 fanataŭ pieraleźli cieraz aharodžu stadyjona i zaśpiavali na trybunach kaladnyja pieśni.
Jak heta vyhladała ŭ 2003 hodzie
Ciapier Weihnachtssingen (Kaladnyja śpievy) — adna z hałoŭnych padziej u žyćci «Unijona». U niekatory momant kolkaść achvotnych paŭdzielničać u cyrymonii stała bolšaj za kolkaść miescaŭ na stadyjonie, tamu kłub pačaŭ pradavać na jaje kvitki.
Usie 28 500 biletaŭ raspradajucca za ličanyja hadziny. Tym, kamu nie pašancavała, mohuć hladzieć i śpiavać anłajn.
Chacia ŭ kłuba ciapier usio našmat lepš, čym 19 hadoŭ tamu, ale tradycyja praciahvajecca, kab nahadać pra važnaść padtrymki i jadnańnia jak u kiepskija časy, tak i ŭ dobryja.
Dva hady mierapryjemstva nie pravodziłasia praz karanavirus, ale ŭ 2022-m Weihnachtssingen viarnulisia. Voś jak heta było.