Праваабаронцы: У гомельскай калоніі для жанчын памерла асуджаная
Інцыдэнт адбыўся ў ноч з 14 на 15 снежня. Адну са зняволеных, якая знаходзілася ў медыцынскім боксе калоніі, экстранна адвезлі ў рэанімацыйнае аддзяленне Гомельскай гарадской бальніцы. Але выратаваць жанчыну не ўдалося, піша Mayday.
23.12.2022 / 13:44
Гомельская жаночая калонія. Фота: Белсат
Дактары кажуць, што прычына ў нядбайнасці медыкаў калоніі №4, якія проста да апошняга не хацелі вывозіць жанчыну ў цывільную лякарню.
У выніку медыцынская дапамога ёй была аказана нясвоечасова. Прозвішча памерлай і артыкул, па якім яна была асуджаная, дактары не агучылі.