U Hrodnie zatrymali rasijskaha apazicyjaniera
21 śniežnia supracoŭniki rasijskaha FSB zatrymali ŭ Hrodnie pieciarburhskaha apazicyjnaha aktyvista Daniiła Krynary. Jaho vinavaciać pavodle rasijskaha Kryminalnaha kodeksa ŭ supracy z zamiežnaj dziaržavaj — pa viersii śledstva, z Ukrainaj, paviedamlaje ovd.news.
22.12.2022 / 17:28
Fota ilustracyjnaje
Žonka Krynary ličyć, što jaje muža pieraśledujuć za viadzieńnie telehram-kanała. Žančyna admaŭlaje, što Daniił supracoŭničaŭ ź jakimi-niebudź zamiežnymi dziaržavami.
24 vieraśnia pierad usierasijskaj akcyjaj suprać mabilizacyi ŭ Daniiła Krynary, jak i ŭ šeraha inšych aktyvistaŭ u Pieciarburhu, adbyŭsia pieratrus. Jaho i jašče minimum šeść čałaviek adpravili na dvoje sutak u izalatar časovaha ŭtrymańnia.
Paviedamlajecca, što zatrymanaha aktyvista ŭžo dastavili ź Biełarusi ŭ Maskvu.