Brytanskaja raźviedka: Rasijskich reziervistaŭ navučajuć biełarusy, i heta — krok adčaju z boku Rasii
Brytanskaja raźviedka ŭ svajoj ranišniaj zvodcy na 302-hi dzień vajny analizuje vajennaje supracoŭnictva Rasii i Biełarusi i znachodzić u im novyja hrani, što śviedčać ab prablemach u rasijskaj armii.
22.12.2022 / 14:36
Fota: AP
19 śniežnia Uładzimir Pucin źjeździŭ u Minsk na pieramovy z Alaksandram Łukašenkam. Siarod inšaha jany razmaŭlali pra mahčymaść stvareńnia adzinaj abaronnaj prastory.
Rasija i Biełaruś adkryta i šyroka havorać ab razhortvańni rasijskich padraździaleńniaŭ u Biełarusi. Ale, mahčyma, niadaŭna biełaruskija vajskoŭcy ŭziali na siabie bolš sakretnuju misiju pa navučańni tysiač niadaŭna mabilizavanych rasijskich reziervistaŭ.
Miarkujučy pa ŭsim, takim čynam Rasija sprabuje papoŭnić niedachop ułasnych vajennych instruktaraŭ, mnohija ź jakich vajuiuć va Ukrainie ci zahinuli.
Choć Rasija i Biełaruś majuć šyroki dośvied vajskovaha supracoŭnictva, navučańnie mabilizavanych rasijskich vajskoŭcaŭ biełarusami — unikalnaja situacyja. Rasija zaŭsiody tradycyjna ličyła, što biełaruskija siły sastupajuć rasijskim, i ich pryciahnieńnie ŭ jakaści instruktaraŭ jość prykmietaj pieranapružańnia rasijskaj vajskovaj sistemy, padkreślivaje brytanskaja raźviedka.