Google anansavała sistemu raspaznavańnia počyrku lekaraŭ
Na štohadovaj kanfierencyi Google u Indyi kampanija anansavała niezvyčajnuju raspracoŭku, jakaja dazvolić rasšyfroŭvać recepty, napisanyja nierazborlivym počyrkam lekaraŭ, piša Office Life.
19.12.2022 / 22:25
Jak piša vydańnie TechCrunch, tak Google maje namier vyrašyć prablemu, što isnuje ŭžo niekalki dziesiacihoddziaŭ. Nierazborlivy počyrk lekaraŭ u kampanii tłumačać tym, što miedyki niaredka vypisvajuć recepty ŭ śpiešcy. U vyniku niaprosta zrazumieć, jakija mienavita leki treba kupić.
Novuju funkcyju Google raspracoŭvaje razam z farmaceŭtami. Jaje płanujuć ubudavać u servis Google Lens. Recept možna budzie sfatahrafavać, a zatym sistema pa fatahrafii raspaznaje počyrk i pakaža karystalniku zhadanyja ŭ recepcie leki.
Kali funkcyja zapracuje, u kampanii nie ŭdakładniajuć. Jaje pradstaŭniki tolki anansavali, što jašče «treba budzie zrabić vialikuju pracu, kab servis staŭ dastupny dla ŭsich».