Галоўная бухгалтарка тры гады завышала выплаты сабе і свайму мужу
Здарэнне адбылося на Капыльшчыне.
19.12.2022 / 16:09
Там высветлілі, што галоўная бухгалтарка на працягу трох гадоў завышала выплаты сабе і свайму мужу, які працуе ў гэтай жа сельгасарганізацыі слесарам.
Праз аплатную сістэму яна накіроўвала загадзя лжывыя звесткі ў банкаўскія ўстановы пра памеры заробку і адпускных для залічэння на карт-рахункі сабе і мужу. Сумы перавышалі рэальны даход.
Такім чынам бухгалтарка атрымала 13 тысяч рублёў. Грошы патраціла.
Следчыя распачалі крымінальную справу за крадзеж шляхам злоўжывання службовымі паўнамоцтвамі, здзейснены ў буйным памеры.