Літва рыхтуецца здзейсніць найбуйнейшую закупку ўзбраення ў сваёй гісторыі
Літоўскі канал LRT паведаміў, што падчас візіту міністра нацыянальнай абароны Літвы Арвідаса Анушаўскаса ў ЗША, які пачаўся ўчора, будзе падпісаны кантракт на пастаўку 8 мабільных ракетных комплексаў HIMARS. Гэта стане найбуйнейшым вайсковым кантрактам Літвы за ўсю яе гісторыю.
15.12.2022 / 22:12
Фота: Vida Press
За 495 млн даляраў Літва купляе ў ЗША 8 мабільных ракетных комплексаў HIMARS, а таксама некалькі тыпаў ракет, у тым ліку ракеты далёкага радыуса дзеяння, якія дасягаюць цэляў на адлегласці 300 кіламетраў.
Першыя сістэмы HIMARS Літва павінна атрымаць у 2025 годзе.
Правесці гэтую здзелку Дзяржаўны дэпартамэнт ЗША дазволіў у лістападзе.
Для параўнання — вайсковы бюджэт Беларусі ў 2022 годзе меў скласці 1,81 мільярдаў рублёў, гэта каля 720 мільёнаў даляраў.