Стала вядома, колькі штрафу трэба будзе заплаціць за «неабгрунтаванае» павышэнне цэн
Лукашэнка ў аўторак падпісаў Закон «Аб змяненні кодэксаў па пытаннях адміністрацыйнай адказнасці». Як паведамляе ягоная прэс-служба, дакумент накіраваны на рэалізацыю дырэктывы «Аб недапушчальнасці росту цэн».
13.12.2022 / 19:05
Дакумент прадугледжвае «ўстанаўленне адміністрацыйнай адказнасці за непазначэнне ў таварных дакументах звестак, звязаных з фарміраваннем цэн на спажывецкія тавары, альбо пазначэнне няпоўнай або недакладнай інфармацыі».
За такія парушэнні прадугледжаны штраф у памеры да 20 базавых велічынь (640 рублёў), а для суб'ектаў гаспадарання — да 10% ад сумы грашовай ацэнкі гаспадарчай аперацыі, адлюстраванай у таварных дакументах.