U Drezdenie mužčyna adkryŭ stralaninu i ŭziaŭ zakładnikaŭ u handlovym centry. Palicyi ŭdałosia jaho zatrymać
U niamieckim Drezdenie ŭzbrojeny mužčyna ŭziaŭ zakładnikaŭ u handlovym centry ŭ centry horada. Tabłoid Bild śćviardžaje, što ranicaj u subotu padazravany zastreliŭ pažyłuju žančynu, paśla čaho adkryŭ ahoń pa ofisie miascovaj radyjostancyi, a zatym uvarvaŭsia ŭ handlovy centr Altmarktgalerie i zabarykadavaŭsia ŭ kramie sietki DM.
10.12.2022 / 15:21
U 12:44 pa miascovym časie palicyja paviedamiła ab vyrašeńni situacyi i vyzvaleńni dvuch zakładnikaŭ.
Pa źviestkach Bild, palicejskija šturmavali apteku i zatrymali padazravanaha, paraniŭšy jaho. Zakładniki — žančyna i dzicia — nie paciarpieli. Źviestak pra asobu padazravanaha pakul niama.
Infarmacyja pra zabojstva pažyłoj žančyny aficyjna nie pacvierdžana. Handlovy centr i raźmieščany pablizu kaladny kirmaš Štryzielmarkt byli začynienyja z-za zdareńnia.