Režym Łukašenki znoŭ prapanuje svaje tranzitnyja pasłuhi dla ekspartu zbožža z Ukrainy
Namieśnik ministra zamiežnych spraŭ Biełarusi Juryj Ambrazievič paviedamiŭ hienieralnamu sakrataru AAN Antoniu Huteryšu, što Biełaruś hatovaja zabiaśpiečyć tranzit zbožža z Ukrainy praz svaju terytoryju ŭ party Litvy. Hetuju infarmacyju pacvierdziŭ žurnalistam aficyjny pradstaŭnik Huteryša Stefan Dziužaryk, paviedamlaje Office Life.
09.12.2022 / 22:44
Juryj Ambrazievič
Pavodle słoŭ Ambrazieviča, pa vynikach sustrečy ŭ AAN baki damovilisia, što Biełaruś hatovaja biez papiarednich umoŭ zabiaśpiečyć tranzit ukrainskaha zbožža praz svaju terytoryju ŭ Litvu. U červieni takuju samuju schiemu prapanoŭvaŭ eks-ministr zamiežnych spraŭ Biełarusi Uładzimir Makiej, ale jana zacikaŭlenaści nie vyklikała.
U pačatku hoda Litva zabaraniła tranzit biełaruskich tavaraŭ praz svaje party, u adkaz Biełaruś uviała zabaronu na tranzitnaje čyhunačnaje paviedamleńnie pamiž Litvoj i Ukrainaj.