У Мазырскім раёне нецвярозая дзяўчына правалілася пад прыпяцкі лёд
Таварыства выратавання на водах Гомельскай вобласці паведаміла пра здарэнне, якое адбылося сёння раніцай у Мазырскім раёне і магло скончыцца трагічна.
09.12.2022 / 18:27
9 снежня а палове сёмай раніцы 18-гадовая дзяўчына вырашыла пакатацца на лёдзе Прыпяці каля мясцовага бара, у якім адпачывала. Але лёд быў тонкі і нетрывалы, таму пад дзяўчынай праламаўся.
На шчасце, дзяўчына не разгубілася і сама здолела з палонкі вылезці, але ў бальніцу патрапіць ёй давялося. Работнікі выкліканай хуткай дапамогі даставілі яе туды з пераахаладжэннем і алкагольнай інтаксікацыяй.