Hidam, jakich sudzili pa «pratesnych» artykułach, zabaroniać pravodzić ekskursii
Takija źmieny pryniaty pastanovaj Saŭmina ad 7 śniežnia № 839.
09.12.2022 / 11:04
Siarod novaŭviadzieńniaŭ — niadopusk da atestacyi niełajalnych krajaznaŭcaŭ.
Da atestacyi nie dapuskajucca hidy, jakich sudzili pa administracyjnych artykułach 19.11 (raspaŭsiud ekstremisckich materyjałaŭ), 24.22 (raspaŭsiud ŚMI zaviedama łžyvych źviestak, jakija hańbiać honar Łukašenki) i 24.23 (niesankcyjanavanaja akcyja).
Taksama nie dazvolać pravodzić ekskursii tym, kaho pryciahvali pa nastupnych kryminalnych artykułach:
- 130 (raspalvańnie varažniečy);
- 293 (masavyja biesparadki);
- 342 (dziejańni, jaki hruba parušajuć hramadski paradak);
- 357 (zmova ci inšyja dziejańni z metaj zachopu ŭłady);
- 361 (zakliki da sankcyj);
- 367 (paklop na Łukašenku);
- 368 (abraza Łukašenki);
- 369 (abraza pradstaŭnika ŭłady);
- 369-1 (dyskredytacyja Respubliki Biełaruś);
- 369-3 (publičnyja zakliki da mitynhaŭ);
- 370 (ździek ź dziaržaŭnych simvałaŭ).
Paśla 2020 hoda nie raz zatrymlivali ekskursavodku Aksanu Mankievič. Ciapier jana znoŭ za kratami, joj pradjaŭlajuć artykuł 342.
Pa hetym ža artykule byŭ asudžany krajaznaŭca Ihar Chmara — na 2,5 hoda chatniaj chimii.