Akvapark «Lebiadziny» zapeŭniŭ, što prusakoŭ u ich bolš niama
U listapadzie źjaviłasia infarmacyja, što ŭ akvaparku «Lebiadziny» poŭna prusakoŭ. Karystalniki ŭstanovy nie tolki pra heta havaryli, ale i pradstavili fota. Kiraŭnictva akvaparku musiła na heta reahavać i ciapier paviedamiła, što prablema z nasiakomymi ŭžo paśpiachova vyrašana, paviedamlaje ahienctva «Minsk-Naviny».
08.12.2022 / 17:06
«Insiektycydnaja apracoŭka ŭ hetym miesiacy była dva razy. Pravodziłasia centram prafiłaktyčnaj dezynfiekcyi ŭ dva etapy, 21 i 28 listapada adpaviedna. U ahulnaj kolkaści było apracavana 28 tys. kv. m płoščy», — raskazała śpiecyjalist pa suviaziach z hramadskaściu i rekłamnych kamunikacyjach akvaparku Nadzieja Makarenia.
Raniej u dačynieńni da kampanii, jakaja vałodaje akvaparkam, byli pačatyja administracyjnyja pracesy z-za parušeńniaŭ sanitarna-epidemijałahičnych normaŭ. Tamu jany musili padyści da spravy maksimalna surjozna.
«Dla padboru najbolš efiektyŭnaha srodku dezynsiekcyi śpiecyjalisty adłoŭlivali nasiakomych, paźniej u łabaratoryi ŭ chodzie analizaŭ vyśviatlali, jaki srodak akažacca samym dziejsnym u baraćbie sa škodnikami», — adznačyła Makarenia.
«Śpiecyjalisty ahledzieli ŭvieś kompleks. Acanili, jak pravodzicca ŭborka pamiaškańniaŭ, apracoŭka abstalavańnia i h. d. Paśla paŭtornaj pravierki nasiakomych i śladoŭ ich žyćciadziejnaści vyjaŭlena nie było», — adznačaje ahienctva «Minsk-Naviny».