Пажар на курскім аэрадроме, атакаваным беспілотнікам, тушылі больш за суткі
Узгаранне ў раёне курскага аэрадрома, выкліканае атакай дрона, ліквідаванае, паведаміў кіраўнік рэгіёна Раман Старавойт.
07.12.2022 / 15:13
«Пажару была прысвоена трэцяя катэгорыя складанасці. Больш за суткі з агнём змагаліся звыш 200 чалавек. Пацярпелых няма», — сказаў губернатар.
У аўторак, 6 снежня, моцны пажар успыхнуў на нафтасховішчы ў раёне курскага аэрапорта. Улады рэгіёна гаварылі пра атаку дрона з боку УСУ. Кіеў афіцыйна не пацвердзіў датычнасць Украіны.
Са слоў Старавойта, у выніку атакі беспілотніка ў раёне курскага аэрадрома загарэўся нафтанакапляльнік, пацярпелых няма.