Znoŭ siensacyja: Maroka nie puściła ŭ čverćfinał Ispaniju
Ispancy druhi raz zapar vylatajuć z futbolnaha čempijanatu śvietu na stadyi 1/8 finału. I druhi raz — pa vynikach sieryi pienalci. Čatyry hady tamu ich spynili haspadary-rasijanie, a hetym razam — zbornaja Maroka.
06.12.2022 / 21:04
Asnoŭny i dadatkovy čas matča skončyŭsia nulavoj ničyjoj, a voś u sieryi pienalci marakancy akazalisia macniej na hałavu. Suchija 3:0 — i ispancy jeduć dadomu.
A voś marakancy ŭpieršyniu ŭ historyi svaich vystupleńniaŭ na čempijanatach śvietu ŭvachodziać, prynamsi, u vaśmiorku macniejšych!
Nastupny supiernik zbornaj Maroka vyznačycca ŭ matčy kamandaŭ Partuhalii i Šviejcaryi. Jon pačniecca siońnia ŭ 22:00. Partuhalcy buduć hulać biez svajoj zorki Kryšcijanu Ranałdu.
A pieršaja para čverćfinału ŭžo viadomaja. U 1/8 finału charvaty abyhrali japoncaŭ, a brazilcy — paŭdniovakarejcaŭ. U čverćfinale jany sustrenucca pamiž saboj.