«Хачу застацца чалавекам, а не гаўном». Гендырэктарка «Дождя» просіць звольненых супрацоўнікаў вярнуцца
Гендырэктарка тэлеканала «Дождь», які пазбавілі ліцэнзіі ў Латвіі, Наталля Сіндзеева апублікавала відэазварот, у якім плача і просіць вярнуцца на тэлеканал звольненага вядучага Аляксея Карасцялёва і супрацоўнікаў, якія звольніліся ўслед за ім, а таксама просіць прабачэння ў гледачоў.
06.12.2022 / 19:51
На мінулым тыдні Карасцялёў у жывым эфіры занепакоіўся, ці камфортна расійскім вайскоўцам ваяваць ва Украіне. Кіраўніцтва канала заявіла, што журналіста няправільна зразумелі, але пазней Карасцялёў быў звольнены.
Раней канал неаднаразова парушаў заканадаўства Латвіі, за што атрымліваў штрафы і папярэджанні. Сёння з'явілася інфармацыя, што канал пазбавяць ліцэнзіі.