Сэрвіс «Е-дастаўка» адмяніў зніжку для людзей з інваліднасцю
У афіцыйным акаўнце «Е-дастаўкі» ў Instagram заявілі, што зніжка была адмененая месяц-два таму. Яна складала 5% і «працавала гадоў дзесяць», заўважыла выданне «Зеркало».
06.12.2022 / 19:20
Фота: Інстаграм e-dostavka
Праўда, для людзей з інваліднасцю і пенсіянераў па ўзросце дзейнічае паніжаная мінімальная сума заказу для бясплатнай дастаўкі — 35 рублёў.
Раней «Еўраопт», якому належыць «Е-дастаўка», паведаміў, што не будзе дастаўляць тавары ва ўсе рэгіёны, за выключэннем Мінскай вобласці, абласных цэнтраў (Брэст, Віцебск, Гомель, Гродна, Магілёў) і Баранавіч. Таксама ён павысіў мінімальную суму дастаўкі да 70 рублёў у Мінску, да 90 рублёў — у Мінскай вобласці і Баранавічах, да 150 — у абласных цэнтрах.