«Jak zdabyć zamak». Biełaruski moładzievy chab zaprašaje na «kavu z historykam»
7 śniežnia, u sieradu, Biełaruski moładzievy chab u Varšavie zaprašaje na čarhovuju «kavu z historykam». Hetym razam Mikoła Vołkaŭ raskaža pra fartyfikacyju i artyleryju ŭ Vialikim Kniastvie Litoŭskim u XIV-XVIII stahoddziach.
06.12.2022 / 19:08
Zamki ŭ Vialikim Kniastvie Litoŭskim, jak i paŭsiul u Jeŭropie, dobra ilustrujuć honku vajskovych technałohij, jakaja była nie mienš zaciataj, čym u ciapierašni čas. Architektary i vajskovyja inžyniery pastajanna prydumvali novyja fartyfikacyjnyja pryjomy, kab abaranić umacavańni, a ź inšaha boku vynachodniki ŭdaskanalvali artyleryju i techniku viadzieńnia abłohi.
Tamu znakamity francuzski fartyfikatar Siebaśćien Le Pretr de Vaban pisaŭ, što «niama fartecyj, jakija nielha ŭziać».
Na prykładzie zamkaŭ VKŁ Mikoła Vołkaŭ choča raskryć hetaje intryhujučaje supraćstajańnie vajskovaj inžyniernaj dumki, a razam z tym na blizkich dla biełarusaŭ prykładach pakazać, jak abaranialisia i zdabyvalisia ŭmacavańni ŭ XIV—XVIII stahoddziach.
Sustreča adbudziecca ŭ sieradu, 7 śniežnia ŭ 18:30 pa adrasie: Varšava, płošča Kanstytucyi, 6 (pl. Konstytucji 6).
A dla tych, chto nie zmoža dałučycca da imprezy niepasredna ŭ Biełaruskim moładzievym chabie, budzie ładzicca tranślacyja na Youtube.