Vystavili na aŭkcyjon byłuju siadzibu XVIII stahoddzia ź sieravadarodnaj krynicaj
Kamitet «Viciebskabłmajomaść» ładzić aŭkcyjon pa prodažy byłoj hrafskaj siadziby Vaŭžeckich u vioscy Vidzy Łaŭčynskija Brasłaŭskaha rajona. Tarhi pryznačanyja na 29 śniežnia 2022 hoda.
05.12.2022 / 17:48
U skład łota ŭklučanyja dva kapitalnyja budynki ahulnaj płoščaj kala 955 kv. m na bierazie voziera Dvornaje, a taksama raźmieščanaja niedaloka ad budynkaŭ i kala voziera Łazienki sieravadarodnaja krynica.
Adzin z vystaŭlenych na prodaž budynkaŭ — były siadzibny dom rodu Vaŭžeckich sa statusam historyka-kulturnaj kaštoŭnaści XVIII stahoddzia. Da niadaŭniaha času pomnik architektury prapanoŭvaŭsia inviestaram biazvypłatna pad realizacyju inviestycyjnaha prajekta (sanatorna-kurortny abo kulturna-zabaŭlalny kompleks).
Abjekt vystaŭleny na tarhi biez strohich abaviazkaŭ pa metavym vykarystańni majomaści. Pačatkovy košt — 308 tys. biełaruskich rubloŭ.