Мінздароўя намякнула, колькі ў Беларусі хворых на кавід
Цяпер у Беларусі назіраецца прырост захворвання каранавірусам. Пра гэта распавёў кіраўнік Міністэрства аховы здароўя Дзмітрый Піневіч на нарадзе ў Лукашэнкі па пытаннях эпідэміялагічнага становішча ў краіне.
05.12.2022 / 13:24
Архіўнае фота
Пры гэтым міністр адзначыў, што фіксаваны ўзровень захворвання застаецца мінімальным.
«Колькасць пацыентаў з COVID-19 інфекцыяй на стацыянарным этапе складае да 3% ад асенне-зімовага максімуму перыяду 2021—2022», — цытуе міністра прэс-служба Міністэрства аховы здароўя.
Абсалютны антырэкорд па хворых на каранавірус быў зафіксаваны 13 лютага 2022 года — 8921 новых выпадкаў за суткі.